C9又如何

好一段日子提不起勁update這裡，直至前幾日收到Blog友"圓咕碌"
好sweet地送上一份極有意義的禮物後，又充满了些力量回來。
但今次反而想向大家分享以下在網上發現的有趣小題目，自己看了後會心微笑...

人生有唔同階段，不過自己總係最後一個先意識到自己已經進入某個階段，

其中一個最明顯、亦係最多人拒絕承認嘅，就係變「師奶」。
女人結婚之後，好多時會否認自己係「師奶」，尤其比較早婚嘅，可能30未到，
又點會肯認吖！不過師奶與否，並唔係睇年齡架，係睇你心態。
如果你發現你做咗「乜太」之後，有出現以下幾個「症狀」，
恭喜你，你已經進入師奶階段啦！

開始愛上放工後煮飯

我知，好多女仔鍾意煮幾味，不過呢度講嘅係返完工返到屋企，
然後仲會堅持自己煮幾味等老公返嚟食嘅。
從一開始買啲現成嘅餸，至後來自己去街市、超市買料自己煮；
從一開始3道菜，至後來4餸1湯，慢慢開始上手，
仲會話「出去食多味精呀」，你已經踏入師奶之路。

為咗幾蚊唔買住

為頭家，去超市買日用品是常識吧。不過以前後生時，買嘢幾乎唔睇價錢，
見啱就買，但踏入師奶之路，會開始格價，而且由於去得多，
開始記得價錢，會識得等到價低、減低時先買。
例如買廁紙，就算屋企未用晒，就如果見到低位，就係咪都會買定先。

任何小事都極大反應

師奶最鍾意大驚小怪，小則驚呼，大則尖叫，非常擾民。
尤其當自己鍾意同其他鄰居師奶一齊傾計時，一聽到咩Gossip嘢就高八度「真係架？」
完全就已經係師奶化咗一大半。
再加埋睇到聽到乜就信乜再周圍講，唔自己去求真，咁就完成埋另一大半啦。

妝溶咗都唔補

以前最緊要靚，化咗妝就一定Keep住補。
自從師奶化咗之後，開始無咁睇住自己個樣，有時熱到妝都溶埋，
一於少理，開始唔注重自己儀容；再演化落去就係著衫，
開始著嘅鬆身舒服嘅衫，最緊要舒服多過好睇。

(下面A-E的讀者已獲得我的Like)

A:"作者作者, 你唔諗下點解個女人會走上呢條路? 你估好想計個幾蚊雞架? 
家用有限呀! 一係就冇家用, D野唔計住, 你估個女人係開金礦架? 
唔係計住條數, 你有飯食呀? 熱到妝溶都唔補, 身上面拎住好多野, 
補乜呢? 再講, 放工返黎辛辛苦苦煮飯你食, 仲話係C9之路? 可怒也!"

B:"但佢中point喎! 所以你睇你幾大反應! 中左第2個point既「任何小事都極大反應」。
做C9又如何? 做得C9先叫係幸福呀! 所以我唔介意人做C9"

C:"如果個個女人都可以做到真正既師奶,咁個男人就幸福了..."

D:"女人結婚會變C9,男人結咗婚就唔會變大叔??想個女人結咗婚唔變C9好簡單,
只要你有黃曉明咁嘅樣同身家就得啦!!"

E:"煮飯又話c奶唔煮又話港女乜都唔識...省錢又話c奶,
洗多少少又話港女大洗養唔起,著得朴素d又話c奶,
打扮又華港女得個殼.....你寫緊d乜其實你自己知唔知?"

*自問第一同第二項全中，
第三項唔中，
第四項更冇可能中...因為我不太愛化妝~嘩咔！