通常去到超市, 見乜新鮮才計劃煮乜
今日嘅哈蜜瓜不停向我放閃
好! 就將你带返屋企做慕絲蛋糕唷
比錢嗰時隔離多咗個女神同老公排緊隊
嘩~係揚采妮
雖然全素顏略顯凔老
但我個人較欣賞成熟的她
多過同城哥拍謝瑞麟'情'廣告的baby face
佢見我同佢微笑亦同樣有微笑同點頭
畢竟成條龍只有我認得佢
完全無星人知佢係乜水(笑)
呢刻情景真係私有化
Well~入番正題...今次呢個Rock Melon Mousse Cake
攪啲新意思: 迷你綿花糖同玫瑰essence
幼滑清香, 完全俘虜視覺同味覺的説
材料(3寸蛋糕模份量):
1. 先以20g消化餅同10g牛油做餅底
2. 哈蜜瓜50g~用Blender做成菓蓉備用
3. 魚膠粉2g 和6ml室温水先拌匀, 再以熱水座熔備用
4. Rose Essence. 三温糖15g. 淡忌廉50g備用
造法:
1. 把三温糖與淡忌廉打至企身後加入兩滴玫瑰essence
2. 加入哈蜜瓜菓蓉
3. 最後才加入魚膠溶液
4. 全部拌匀後倒入餅底面
5. 放入雪櫃冷藏2小時即成❤︎
後記: 這篇是飛去京都前的分享, 拜過早年先~
祝大家新的—年身體安康, 心裡富有常樂喔♡
嘩，妳看到揚采妮啊! 我也是欣賞的藝人....知道她嫁來新加坡，但從未見過她。
回覆刪除在外面真的很難食到Rock Melon Cake...妳的Mousse cake一定很香甜:-)
祝妳和hubby有個愉快滿足的旅程和祝福妳猴年裡~心想事成，什麼都好好好!!!
是的小敏，竟然和她在off peak hour 在星球相遇 XD
刪除多謝你的祝賀，回來後和你分享更多樂事啦！
總覺得楊采妮很有氣質^^ 你的Mousse Cake每次都精緻，這個顏色十分賞心悅目呢！
回覆刪除預祝你京都之旅一切順利，玩得盡興；新年快樂，身體健康:)
絶對同意，她是氣質取勝。多謝妳一路的鼓勵和分享，也希望一切承你貴言喔。
刪除非常期待看你的京都遊記分享
回覆刪除玩開心點呀！新年大快樂！
希望我的簡約遊記分享也能令你喜歡啦小恩:)
刪除我都幾鐘意楊采妮 , 因為佢做好多善事 , 對狗狗又有愛心 , 比靚姐姐私有化(點頭), 我好羨慕呢~!!
回覆刪除响度預祝靚姐姐新一年工作順利 , 身體健康 , 去旅行玩得開開心心 , 買多啲你嘅至愛返嚟 , 仲有同蘇生甜甜蜜蜜呢~!! ^0^
是的圆咕碌，相由心生，她的氣質便是這樣得來吧！多謝你令人窩心的祝福，如你所説一定把心頭好带返星球ヽ(^。^)ノ
刪除